စကားလုံးများ အကြောင်း ။
နာမ် စကားလုံးတို့၏( ကိုယ်စား )
အသုံးပြုသော စကားလုံးများကို
( နာမ်စား )ဟု ခေါ်ပါသည်။
ထို စကားလုံးများမှာ-
I , me , my , mine , myself
We , us , our , ours , ourselves
You , you , your , yours , yourselves
He , him , his , his , himself
She , her , her , hers , herself
They ,them ,their,theirs, themselves
It , it , its, - , itself
This , that , these , those
Who , whom , whose , which , what
Each other , one another
Someone, anyone , everyone
Somebody, anybody, everybody
Something, anything, everything
No one, nobody, nothing,
စသဖြင့် - ဖြစ်ကြပါသည်။
ဝါကျ အတွင်း၌ အသုံးပြုပုံပေါ်မှုတည်၍
အထက်ပါ( နာမ်စား )စကားလုံးများကို
အောက်ပါအတိုင်း အမျိုးအစား ( ၇ )မျိုး ခွဲခြား ထားပါသည်။
1. Personal Pronoun
2. Demonstrative Pronoun
3. Relative Pronoun
4. Interrogative Pronoun
5. Indefinite Pronoun
6. Reciprocal Pronoun
7. Distributive pronoun
စသည်တို့ ဖြစ်ကြပါသည်။
Pronoun နဲ့ ပတ်သတ်လာရင်
( Personal Pronoun ) တစ်ခုကိုသာ
အဓိကထားပြီး လေ့လာမှတ်သားပါ။
အခြေခံ level အတွက် လုံလောက်ပါသည်။
ကျန်သည့် Pronoun အမျိုးအစားများကို
ယေဘုယျ သဘောလောက် သိထားမယ်ဆိုရင်ရပါပြီ။
[ 1. Personal Pronoun ]
လူပုဂ္ဂိုလ် နှင့် အရာဝတ္ထုတို့၏
ကိုယ်စား အသုံးပြုသော စကားလုံးကို
( ပုဂ္ဂလ နာမ်စား - Personal Pronoun ) ဟု
ခေါ်ပါသည်။
ထို စကားလုံးများမှာ---
I , me , my , mine , myself
We , us , our , ours , ourselves
You , you , your , yours , yourselves
He , him , his , his , himself
She , her , her , hers , herself
They ,them ,their, theirs, themselves
It , it , its, - , itself
အထက်ပါ ( ပုဂ္ဂလ နာမ်စား ) စကားလုံးတို့သည် ဝါကျ အတွင်း၌
အသုံးပြုမှုပေါ် မူတည်၍
( ၅ )မျိုး ထပ်မံခွဲခြားထားပါသည်။
၎င်းတို့မှာ-
A. Subject pronoun
B. Object pronoun
C. Possessive (adjective) pronoun
D. Possessive pronoun
E. Reflexive pronoun
စသည်တို့ ဖြစ်ပါသည်။
A. Subject pronoun
Personal Pronoun စကားလုံးများ၏
ပထမ ကော်လံတိုင်၌
( I , We , You , He , She , They , It )
စသည့် စကားလုံးများကို တွေ့ရပါမည်။
ထိုစကားလုံးများသည် ဝါကျ တစ်ခု၏
subject နေရာ၌သာအသုံးပြုခြင်းကြောင့်
၎င်းကို Subject pronoun( ကတ္တား နာမ်စား ) ဟု ခေါ်ပါသည်။
ထို့ကြောင့် Subject ( S ) နေရာအတွက်
၎င်းစကားလုံး (၇)လုံးကို သိထားအပ်ပါသည်။
I = ကျွန်တော်
We = ကျွန်တော်တို့
You = သင် / သင်တို့
He = သူ
She = သူမ
They = သူတို့
It = ထိုအရာ
B. Object pronoun
ဒုတိယ ကော်လံတိုင်၌ ရှိသော
( me , us , you , him , her , them , it )
ထိုစကားလုံးများသည် ဝါကျ တစ်ခု၏
object နေရာ၌သာအသုံးပြုခြင်းကြောင့် ၎င်းကို object pronoun ( ကံ နာမ်စား ) ဟု ခေါ်ပါသည်။
me = ကျွန်ုပ်ကို
us = ကျွန်ုပ်တို့ကို
you = သင့်ကို
him = သူ့ကို
her = သူမကို
them = သူတို့ကို
it = ထိုအရာကို
C. Possessive( adjective ) pronoun
တတိယ ကော်လံတိုင်၌ ရှိသော
( my, our, your, his, her, their, its )
ထိုစကားလုံးများသည် Noun( နာမ် )များကို
ပိုင်ဆိုင်မှုအနေဖြင့်အထူးပြုပေးသည့် အတွက်
၎င်းကို( Possessive adjective pronoun )
( ပိုင်ဆိုင်မှုပြ နာမဝိသေသန နာမ်စား ) ဟု ခေါ်ပါသည်။ထို စကားလုံးများ အနောက်၌ (noun) ရှိသည်ကို သတိထား၍ မှတ်သားသင့်ပါသည်။
ဥပမာ-
This is a book.
အဲ့ဒါ စာအုပ်တစ်အုပ်ပါ။
This is my book.
အဲ့ဒါ ငါ့စာအုပ်ပါ။
my book = ငါ့ (ရဲ့) စာအုပ်
our book = ငါတို့( ရဲ့)စာအုပ်
your book = သင့်(ရဲ့)စာအုပ်
his book = သူ့(ရဲ့)စာအုပ်
her book = သူမ(ရဲ့)စာအုပ်
their book = သူတို့(ရဲ့)စာအုပ်
its paw = သူ့(ရဲ့)ခြေဖဝါး
D. Possessive pronoun
စတုတ္ထ ကော်လံတိုင်၌ ရှိသော
( mine, ours, yours, his, hers , theirs)
ထိုစကားလုံးများသည် ပိုင်ဆိုင်မှုကို ပြဆိုသော နေရာ၌သာအသုံးပြုခြင်းကြောင့် ၎င်းကို Possessive pronoun ( ပိုင်ဆိုင်မှုပြ နာမ်စား ) ဟု ခေါ်ပါသည်။
That book is mine.
အဲ့ဒီစာအုပ်ဟာ ငါ့(ရဲ့)ဟာပါ။
That new book is mine.
အဲ့ဒီစာအုပ်သစ်ဟာ ငါ့(ရဲ့)ဟာပါ။
That new book of mine was lost.
ငါ့ရဲ့အဲ့ဒီစာအုပ်သစ်ဟာ ပျောက်သွားပြီ။
mine = ငါ့ဟာ
ours = ငါတို့ဟာ
yours = သင်တို့ဟာ
his = သူ့ဟာ
hers = သူ့မဟာ
theirs = သူ့တို့ဟာ
E. Reflexive pronoun
ပဉ္စမ ကော်လံတိုင်၌ ရှိသော
( myself, ourselves, yourselves, himself, herself, themselves, itself)
(Yourself အနည်း/yourselves အများ)
ထိုစကားလုံးများသည် ဝါကျအတွင်း၌
( ကိုယ်တိုင် ) ဟူသော အဓိပ္ပာယ်ဖြင့်
သုံးစွဲကြပါသည်။
ဥပမာ
ငါ့ကားကို ငါကိုယ်တိုင်ပဲ ပြင်ခဲ့တယ်။
I myself fixed my car.
I fixed my car myself.
I fixed my car by myself.
[ 2. Demonstrative Pronoun ]
( This, That, These, Those )
ထိုစကားလုံးများသည် အနီး၊အဝေး ၌ ရှိသော အရာများအား ညွှန်ပြ လိုသည့်အခါ
အသုံးပြုပါသည်။ထို့ကြောင့် ၎င်းတို့ကို
( ညွှန်ပြနာမ်စား )ဟု ခေါ်ပါသည်။
This / That = ဤ/ထို အရာသည်
These /Those =ဤ/ထိုအရာများသည်
မိမိ၏ အနီးဝန်းကျင်၌ ရှိသော အရာကို
( This ) ဖြင့် ညွှန်ပြ၍၊ အဝေး၌ ရှိသော
အရာကို ( That ) ဖြင့် ညွှန်ပြ ပါသည်။
နှစ်ခုစလုံး( အနည်းကိန်း )ဖြစ်ပါသည်။
မိမိ အနီးဝန်းကျင်၌ ရှိသော အရာများကို
( These ) နဲ့ ညွှန်ပြပြီး၊ အဝေး၌ ရှိသော
အရာများကို ( Those )နဲ့ညွှန်ပြပါသည်။
နှစ်ခုစလုံး( အများကိန်း )ဖြစ်ပါသည်။
စာအုပ်တစ်အုပ်ကို လက်နဲ့မြှောက်ပြပြီး
ပြောမယ်ဆိုရင်-
This is a book.
စားပွဲပေါ်က ဖေါင်တိန်ကို ညွှန်ပြလိုလျှင်
That is a pen.
( တစ်ခုထက်ပိုမယ်ဆိုရင်)
These are books.( အနီး )
Those are pens. ( အဝေး )
[ 3. Relative Pronoun ]
( Who, Whom, Whose, Which, That )
1. Who- လူတွေအတွက် သုံးပါတယ်။
2. Whom - လူတွေအတွက် သုံးပေမယ့် ဝါကျထဲမှာ ကံကြောင်းပြ (Object) အဖြစ် သုံးပါတယ်။
3. Whose - ပိုင်ဆိုင်မှုကို ဖော်ပြဖို့ သုံးပါတယ်။
4. Which - တိရစ္ဆာန်တွေ ဒါမှမဟုတ် အရာဝတ္ထုတွေအတွက် သုံးပါတယ်။
5. That - လူတွေ၊ တိရစ္ဆာန်တွေ၊ အရာဝတ္ထုတွေအတွက် သုံးပါတယ်။
ထိုစကားလုံးများသည် ဝါကျအတွင်း၌
နာမ်စား အဖြစ်သော်လည်းကောင်း၊
ဝါကျအပိုင်း အဖြစ်လည်းကောင်း၊
စကားဆက် အဖြစ်လည်းကောင်း၊
ညွှန်းဆိုနာမ်စားအဖြစ်လည်းကောင်း
စသည့် တာဝန်များကို ထမ်းဆောင်ကြပါသည်။ဒါ့ကြောင့်( နာမ်စား ) ဆိုသည့်
အဓိပ္ပာယ်ထက် သာလွန်နေပါသည်။
( Relative Pronoun ) ကို မြန်မာလို
( အညွှန်းနာမ်စား )ဟု ဆိုခြင်းထက်
( ဆက်စပ် နာမ်စား ) ဟုသာ ခေါ်သင့်ပါသည်။
ဥပမာ---
မိသားစုတစ်ခုမှာ
(အိမ်ထောင်ဦးစီး၊ အိမ်ထောင်ရှင်မ နှင့်သားသမီး )ဆိုတာရှိတယ်လို့ ယူဆကြည့်မယ်ဆိုရင်-
အိမ်ထောင်ရှင်မ ဟာ အိမ်ထောင်ဦးစီးအတွက်
( ဇနီးမယား ) ဖြစ်သလို၊
သားသမီးအတွက် ဆိုရင်(အမေ )ဖြစ်ပါတယ်။
( ဇနီးမယား နဲ့ အမေ )ဟာ တစ်ယောက်တည်းဖြစ်ပြီး ဆက်စပ် နေပါတယ်။
ဒါကို ( Relative ) ဖြစ်တယ်လို့ ခေါ်ပါတယ်။
ဒါ့ကြောင့် ထို စကားလုံးများ၏ အသုံးကို
( Relative Clause ) ဝါကျများ၌ တွေ့ရှိရခြင်းဖြစ်ပါသည်။
ဥပမာ ( ၁ )
1. The man is sitting over there.
2. He is my uncle.
ဟိုမှာ လူတစ်ယောက် ထိုင်နေတယ်။
သူက ငါ့ ဦးလေးပါ။
ပထမ စာကြောင်းရဲ့ subject နေရာက
The man ဆိုတဲ့ noun အနောက်မှာ
who အစားထိုး ထည့်ကြည့်လိုက်မယ်ဆိုရင်
The man who is sitting over there
The man အတွက် who က နာမ်စားဖြစ်ပြီး
is sitting over there. က who ကြောင့်
relative clause ဖြစ်သွားပါတယ်။
အဓိပ္ပာယ်မပြည့်စုံတော့သည့် ဝါကျပိုဒ်ငယ်
တစ်ခု ဖြစ်သွားပါတယ်။
who is sitting over there
( ဟိုမှာထိုင်နေတဲ့ သူက ) လို့ အဓိပ္ပာယ်
သက်ရောက်သွားပါတယ်။
ဟိုမှာထိုင်နေတဲ့သူ ဆိုတာ The man ကို
ပြောတာပါ။အတူတူပါဘဲ။
ဒါ့ကြောင့် The man ဆိုသည့် noun ကို
နာမ် အနောက်ကနေပြီး Post Modifier အနေဖြင့် သွားပြီး အထူးပြုလိုက်သည့်အခါ
( The man who is sitting over there )ဆိုပြီး
စကားစုအသစ်တစ်ခု ဖြစ်ပေါ်လာပါတယ်။
ဝါကျတစ်ခုက who ကြောင့်
relative clause ပါတဲ့ Noun phase
တစ်ခု ဖြစ်သွားပါတယ်။ဒီသဘောတရားက
နာမဝိသေသန နဲ့ သက်ဆိုင်နေပါတယ်။
ဒုတိယ စာကြောင်းက ( He ) ဆိုတာ
(The man who is sitting over there )
နဲ့ အတူတူဖြစ်တာကြောင့် he နေရာမှာ
အစားထိုးလိုက်ပြီး
The man who is sitting over there is
my uncle. ဆိုပြီး
စာကြောင်းနှစ်ခုကို ဆက်လိုက်ပါတယ်။
ဝါကျတည်ဆောက်ပုံ SVOCPMTR အရ ခွဲခြမ်းကြည့်မယ်ဆိုရင်
The man who is sitting over there သည် subject ( S ) ဖြစ်သွားပါသည်။
is က verb ( V ) ဖြစ်ပြီး၊
my uncle က complement ( C ) ဖြစ်ပါသည်။
ဒါ့ကြောင့်
Relative pronoun ဟာ -နာမ်စား ဆိုတာထက် ပိုကျယ်ပြန့်နေပါတယ်။
( Adjective, Modifier, Phrase, Clause )များနဲ့ ပတ်သတ်နေပါတယ်။
ဥပမာ( ၂ )
1. Hla Hla is the girl.
2. I want to see her.
လှလှ က မိန်းကလေးပါ။
သူ့ကို ငါတွေ့ချင်တယ်။
Hla Hla is the girl whom I want to see.
လှလှက ငါတွေ့ချင်နေသည့် မိန်းကလေးပါ။
[ 4. Interrogative Pronoun ]
ဝါကျထဲက noun တွေကို ကွယ်ဝှက်ပြီး
၎င်းတို့အစား အစားထိုး၍
မေးခွန်းထုတ်တက်ကြသော ( Wh ) စကားလုံးများကို ( အမေးနာမ်စား ) များဟု ခေါ်ပါသည်။၎င်းတို့မှာ
(Who, Whom, Whose, What, Which )
စသည်တို့ ဖြစ်ကြပါသည်။
ထိုစကားလုံးများ၏ အသုံးပြုမှုကို သိဖို့အတွက်( ဝါကျ - sentence )အကြောင်းကို
အရင်နားလည်ထားဖို့၊သိရှိထားဖို့ လိုပါတယ်။
ဝါကျတစ်ခု၏
1. Structure ( တည်ဆောက်ပုံ ) - (၄)မျိုး
2. Function ( လုပ်ဆောင်ချက် ) -(၄)မျိုး
3. Form/polarity ( သဘောတရား ) (၃)မျိုး
စုစုပေါင်း ( ၁၁ )မျိုး ရှိသည့်အထဲက
Interrogative sentence ( အမေးဝါကျ )
အကြောင်းကို လေ့လာကြည့်ထားမှ နားလည်
နိုင်မှာ ဖြစ်ပါတယ်။
Who : ဘယ်သူ
လူတစ်ဦးကို ရည်ညွှန်းတဲ့အခါမှာ အသုံးပြုပါတယ်။ Subject အဖြစ်သုံးပါတယ်။
ဥပမာ
- Who is your best friend?
(မင်းရဲ့ အရင်းနှီးဆုံးသူငယ်ချင်းက ဘယ်သူလဲ)
- Who wrote this book?
(ဒီစာအုပ်ကို ဘယ်သူရေးခဲ့တာလဲ)
2. Whom : ဘယ်သူ့ကို
လူတစ်ဦးကို ရည်ညွှန်းတဲ့အခါမှာ အသုံးပြုပါတယ်။ Object အဖြစ်သုံးပါတယ်။
ဥပမာ
- Whom did you call?
(မင်းဘယ်သူ့ကို ဖုန်းခေါ်ခဲ့တာလဲ)
3. Whose : ဘယ်သူ့၏
ပိုင်ဆိုင်မှုကို ရည်ညွှန်းတဲ့အခါမှာ အသုံးပြုပါတယ်။
- Whose bag is this?
(ဒီအိတ်က ဘယ်သူ့ဟာလဲ)
- Whose car are you driving?
(မင်းဘယ်သူ့ကားကို မောင်းနေတာလဲ)
4. What : ဘာ
အရာဝတ္ထု၊ အကြောင်းအရာ၊ လုပ်ဆောင်ချက်တွေကို ရည်ညွှန်းတဲ့အခါမှာ အသုံးပြုပါတယ်။
ဥပမာ
- What is your name?
(မင်း နာမည်က ဘာလဲ)
- What are you doing?
(မင်း ဘာလုပ်နေတာလဲ)
5. Which : ဘယ်ဟာ
ရွေးချယ်မှုတစ်ခုကို ရည်ညွှန်းတဲ့အခါမှာ အသုံးပြုပါတယ်။
ဥပမာ
- Which color do you like?
(မင်း ဘယ်အရောင်ကို ကြိုက်လဲ)
- Which book should I read?
(ငါ ဘယ်စာအုပ်ကို ဖတ်သင့်လဲ)
[ 5. Indefinite Pronoun ]
လူ၊အရာဝတ္ထု၊ပမာဏ၊စသည်တို့အား သတ်သတ်မှတ်မှတ် မဟုတ်ဘဲ
ယေဘုယျ သဘောဖြင့် ရည်ညွှန်းပြီး
အစားထိုးသုံးစွဲသော စကားလုံးများကို
( Indefinite Pronoun) မတိမကျ နာမ်စား
ဟု ခေါ်ပါသည်။
၎င်းတို့မှာ-
Someone, anyone , everyone
Somebody, anybody, everybody
Something, anything, everything
{၎င်း ( -one/ -body / -thing /-where ) တို့ကို
Subject ( S ) နေရာ၌ အသုံးပြုမယ်ဆိုရင်
Singular verb အနည်းကိန်းတို့နှင့်သာ
တွဲရသည်ကို ( သတိပြုပါ။ )}
-one/ -body/ -thing စကားလုံးများကို
(Third person singular)
ဟု သတ်မှတ်ထားသောကြောင့် ဖြစ်ပါသည်။
(-where )စကားလုံး တွေတော့မပါဘူးပေါ့။
သူက Adverb စကားလုံး။Subject နေရာမှာ
Noun အနေဖြင့် အသုံးပြုရင် third person singular ဟု သဘောထားပြီး singular verb ကိုသာ အသုံးပြုပါသည်။
အငြင်းပါသည့် စကားလုံးများ
No one, nobody, nothing,
စသဖြင့်- စသည်တို့ ဖြစ်ကြပါသည်။
Both, few , many , several စသည်တို့ကို အများကိန်း( plural ) အနေဖြင့် အသုံးပြုပါသည်။
All, some,most, none စသည်တို့ကို
အနည်းရော /အများပါ နှစ်ခုစလုံးတွင်
အသုံးပြုပါသည်။
ဥပမာ-
လူ/အရာကို မသတ်မှတ်ဘဲ ရည်ညွှန်းသော Pronouns များ
Someone (တစ်ယောက်ယောက်)
Someone is knocking on the door. (တစ်ယောက်ယောက်က တံခါးကို ခေါက်နေတယ်။)
Anyone (ဘယ်သူမဆို)
Anyone can solve this problem.
ဘယ်သူမဆို ဒီပြဿနာကို ဖြေရှင်းနိုင်တယ်။
No one (ဘယ်သူမှ)
No one knows the answer.
(ဘယ်သူမှ အဖြေကို မသိဘူး။)
Everybody (လူတိုင်း)
Everybody loves the new teacher.
(လူတိုင်းက ဆရာမအသစ်ကို ကြိုက်တယ်။)
ပမာဏကို မသတ်မှတ်ဘဲ ရည်ညွှန်းသော Pronouns များ
Some (တချို့)
Some of the books are missing.
စာအုပ်တချို့ ပျောက်နေတယ်။
Few (နည်းပါး)
Few understand the concept.
ဒီအယူအဆကို နားလည်သူက နည်းပါတယ်။
All (အားလုံး)
All are welcome to join.
အားလုံးကို ပါဝင်ဖို့ ဖိတ်ခေါ်ပါတယ်။
အငြင်းသဘော ရည်ညွှန်းသော Pronouns များ
Nothing (ဘာမှ)
Nothing is impossible.
ဘာမှ မဖြစ်နိုင်တာမရှိဘူး။
Nobody (ဘယ်သူမှ)
Nobody came to the party.
ဘယ်သူမှ ပါတီကို မလာခဲ့ဘူး။
None (တစ်ခုမှ)
None of the students passed the exam.
ကျောင်းသားတွေထဲက တစ်ယောက်မှ စာမေးပွဲမအောင်ဘူး။
[ 6. Reciprocal Pronoun ]
1 . Each other
2 . One another
တစ်ယောက်ကိုတစ်ယောက်
တစ်ဦးကိုတစ်ဦး
ဟု အဓိပ္ပာယ်ရပါသည်။
လုပ်ဆောင်ချက် တစ်ခုကို အချင်းချင်း
အပြန်အလှန် လုပ်ဆောင်ကြတဲ့အခါမှာ
အသုံးပြုပါသည်။
Each other ကို လူနှစ်ဦး အတွက်သာ
အသုံးပြုပါသည်။
One another ကို လူနှစ်ဦး အထက် ရှိသောအခါ အသုံးပြုပါသည်။
Each other
Mg Mg loves Mya Mya.
မောင်မောင် က မြမြ ကို ချစ်တယ်။
Mya Mya loves Mg Mg.
မြမြက မောင်မောင်ကို ချစ်တယ်။
( They love each other . )
သူတို့နှစ်ယောက် တစ်ဦးကိုတစ်ဦး ချစ်ကြတယ်။
One another
The students help one another.
ကျောင်းသားတွေ တစ်ယောက်ကိုတစ်ယောက် ကူညီကြတယ်။
The team members support one another.
အသင်းသားများ တစ်ဦးကိုတစ်ဦး
ထောက်ပံ့ကြတယ်။
The neighbours greet one another.
အိမ်နီးနားချင်းများ တစ်ယောက်ကိုတစ်ယောက် နှုတ်ဆက်ကြတယ်။
[ 7. Distributive pronoun ]
( နှစ်ခုထဲက တစ်ခု )
( အများထဲက တစ်ခု )
စသည့် အဓိပ္ပာယ်ဖြင့် ရည်ညွှန်းပြီး ပြော
ဆိုသောအခါ မှာ အသုံးပြုပါသည်။
၎င်းကို ( ခွဲဝေပြ နာမ်စား ) ဟုခေါ်ပါသည်။ထိုစကားလုံးများမှာ-
( Each, either, neither, any, none )
စသည်တို့ ဖြစ်ကြပါသည်။
1. Each ( တစ်ခုချင်းစီ )
2. Either ( နှစ်ခုထဲက တစ်ခု )
3. Neither ( နှစ်ခုထဲက တစ်ခုမှမဟုတ် )
4. Any ( အများထဲက တစ်ခုခု )
5. None (အများထဲက တစ်ခုမှ မဟုတ် )
Each ကို ၂ ယောက်နှင့်အထက် အစုအဖွဲ့
ထဲက( တစ်ခုချင်းစီ ) အတွက်သုံးသည်။
Either နှင့် Neither ကို နှစ်ခုသာရှိတဲ့အခါ သုံးပါ။နှစ်ခုထဲက တစ်ခု အတွက် သုံးပါသည်။
ထို့ကြောင့် ၎င်းတို့သည် ( အနည်းကိန်း ) ဖြစ်သည်ကို သတိထားပါ။
နှစ်ခုအထက်ပိုရင် Any နဲ့ None တို့ကိုသုံးပါ။
Each, either, neither စကားလုံးများကို
( singular verb ) နှင့်သာ တွဲရပါသည်။
Any နှင့် none ကို singular or plural
verb ဖြင့် အသုံးပြုနိုင်ပါသည်။
Each
Each of the students has a pen.
ကျောင်းသားတစ်ဦးစီတိုင်းတွင် ဘောပင်
တစ်ချောင်းစီ ရှိပါသည်။
Either
Either of the answers is correct.
( အဖြေနှစ်ခုထဲကတစ်ခုသာ မှန်ပါသည်။)
Neither
Neither of the answers is correct.
(အဖြေနှစ်ခုထဲကတစ်ခုမှ မမှန်ဘူး။)
(အဖြေနှစ်ခုထဲကတစ်ခုမှ မမှန်ဘူး။)
Any
You can take any of these books.
(စာအုပ်တွေထဲက မည်သည့်တစ်အုပ်ကိုမဆို ယူနိုင်သည်။)
(စာအုပ်တွေထဲက မည်သည့်တစ်အုပ်ကိုမဆို ယူနိုင်သည်။)
None
None of the students is absent.
(ကျောင်းသားများထဲက တစ်ဦးမှ မပျက်ကွက်ပါ။)
(ကျောင်းသားများထဲက တစ်ဦးမှ မပျက်ကွက်ပါ။)
(ကျောင်းသားတစ်ဦးမှ မပျက်ကွက်ပါ။)
(Pronoun-နာမ်စား) စကားလုံး အတွက်
အထက်ပါ အကြောင်းအရာ တို့ကို သိရှိနားလည်ထားရန် လိုအပ်ပါသည်။
မှတ်ချက်။ ။
Personal pronoun ( ပုဂ္ဂလနာမ်စား ) ကို
လူ ( သုံး )မျိုးဖြင့် ခွဲခြားထားပါသည်။
၁.ပထမ လူကို( first person )ဟု ခေါ်ဆိုပြီး စကားပြောသူ ဟုသတ်မှတ်ထားပါသည်။
I = ကျွန်တော်သည်
We = ကျွန်တော်တို့သည်
၂. ဒုတိယ လူကို ( second person ) ဟု
ခေါ်ဆိုပြီး နားထာင်သူ ဟု သတ်မှတ်ထားပါသည်။
You = သင်သည်
You = သင်တို့သည်
၃. တတိယ လူကို ( third person ) ဟုခေါ်ဆိုပြီး အပြောခံရသူ ဟု သတ်မှတ်ထားပါသည်။
He = သူသည်
She = သူမသည်
It = ထိုအရာသည်
They = သူတို့သည်
အထက်ပါ နာမ်စား စကားလုံးများနှင့်
အမျိုးအစား များ မည်သို့ အသုံးပြုသည်ကို တစ်နေ့တစ်ခါ အပျင်းအပြေ
သဘောမျိုး ဖတ်ရှုထားသင့်ပါသည်။
ထိုကဲ့သို့ ဖတ်ရှုထားလျှင်
“Pronoun" နာမ်စား ဟု ဆိုလာပါက
မည်ကဲ့သို့ အသုံးချရသည်ကို သိရှိထားခြင်း ကြောင့် စားရးသားရာတွင် အသုံးပြုဖို့ လွယ်ကူစေနိုင်ပါသည်။
အဓိက အနေဖြင့်
( Parsonal pronoun )အကြောင်းကို လုံးဝဥဿုံ သိရှိထားဖို့ လိုပါသည်။
